Жамбыл облысындағы АТТ жұмыстары

Бүгінде Жамбыл облысында мемлекетпен діндер арасындағы қарым-қатынасты байланыстыратын дін істері басқармасы жұмыс жасауда. Басқарма өңірдегі облыстық әкімшілікке қарасты. Негігзі жұмыстары ел аумағындағы діни бірлестіктермен тығыз қарым-қатынас орнату болса, екіншіден жалпы бұқара халыққа дін саласындағы ақпараттық түсіндіру жұмыстарын жүргізу. Жамбыл облысы әкімдігінің дін істері басқармасының бөлім басшысы Еркебұлан Ақбаймен облыстағы дін саласындағы ақпараттық түсіндіру тобының (АТТ) жұмыстары туралы сұхбат жүргіздік.

-Сәлеметсіз бе, Еркебұлан мырза! Жамбыл облысындағы АТТ құрамы қалай жасақталған?

-Е.А. –Сәлеметсіз! Жалпы облысымыздың дін саласындағы ақпараттық-түсіндіру топтары облыстық, қалалық және аудандық деңгейлерде құрылған (5 облыстық, 7 қалалық, 10 аудандық АТТ топтары бар. Құрамы – 122 адам). Облыстық, қалалық және аудандық ақпараттық-түсіндіру топтарының құрамы талапқа сай дінтанушы, теолог және психолог мамандардан және дін саласына уәкілетті мемлекеттік қызметшілерден жасақталған. 2019 жылдың соңғы тоғыз айының қортындысы бойынша ақпараттық-түсіндіру топтарының мүшелерімен түрлі форматтарда 1582 іс-шара өткізіліп, 82 мыңнан астам адам қамтылды. Басқарманың үйлестіруімен ақпараттық-түсіндіру жұмыстары әр түрлі бағыттарда нысаналы топ өкілдерімен жүзеге асырылуда.

-АТТ жұмыстарында дін саласынан бөлек қандай да бір тақырыптарда іс-шаралар өткізіледі ме?

-Е.А. –Иә! Мысалға дін саласындағы түсіндіру жұмыстарынан бөлек, діни бірлестіктердің заң аясындағы қызметтері, суицид, әлеуметтік желілердегі әртүрлі ақпараттар т.б. тақырыптарды кеңінен қамтиды. Іс-шараның барысында басқа да қатысушыларда сауалдар болса АТТ мүшесі жауап береді. Және тек бір өзі ғана емес, құзырлы мекеменің өкілдерімен де т.б. мекеме қызметкерлерімен бірлесіп жұмыстар атқаруда.

-Жергілікті немесе республикалық БАҚ арқылы материалдар жариялайсыздар ма?

-Е.А. -Облыстағы БАҚ құралдарында діни экстремизм мен терроризм идеологиясына қарсы насихат жұмыстарын жүргізу мақсатында облыстық, қалалық және аудандық газеттер редакциялары мен телеарналарда жұмыс атқаратын барлығы 18 тілшіден тұратын журналисттер пулы құрылған. Жыл басынан бүгінгі күнге дейін облыстық, қалалық және аудандық БАҚ беттерінде діни қызмет саласында 222 материал жарық көрді. Апта сайын «Jambyl» телеарнасында басқарма мен Дін проблемаларын зерттеу орталығының дінтанушы, теолог мамандарының қатысуымен «Иман нұры» бағдарламасы эфирге шығуда. Ағымдағы жылы аталған бағдарлама эфирге 28 рет шықты. Сонымен қатар, «Jambyl» және «77tv» телеарналарында дін саласы бойынша 12 сюжет түсірілді. Басқарма мен облыс әкімдігінің мәдениет басқармасымен бірлесе деструктивті діни идеологиялардың алдын алуға бағытталған «Сағым» атты толықметражды фильм әзірленіп, аталған фильмнің көпшілікке арналған көрсетілімдері кинотеатарларға шығарылды. Облыста dini.zhambyl.kz, asyldin.kz, e-islam.tarmpu.kz сайттарының қызметтері үйлестірілуде.

-Ғаламтор желілеріндегі деструктивті діни парақшалармен жұмыс жасайтын, дін істері басқармасында арнайы мамандардың тобы сіздерде қарастырылған ба?

-Е.А. –Әрине! Басқармаға қарасты «Дін проблемаларын зерттеу орталығы» КММ-сінің дін экстремизмге қарсы насихат бөлімі бар. Сондағы инспекторлардың негізгі жұмыстарының бірі сіздің қойған сауалыңызға жауап. Ғаламтор кеңістігінде діни экстремистік және террористік мазмұндағы ақпараттардың таралуының алдын алу бойынша тұрақты мониторинг жұмыстары жүргізілуде. Бұл жұмысқа басқарма мен ҚМДБ өкілдерінен құралған 40 жоғары білімді дінтанушы, теолог мамандарынан тұратын арнайы ақпараттық-түсіндіру топтары құрылып, аталған жұмысқа тартылды.

Ғаламтордағы 1231 күдікті сілтеме анықталып, ҚР Ақпарат және қоғамдық даму министрлігінің дінтану сараптамасына жолданылып, 107 сілтеме бұғатталды. Сондай-ақ, интернет ресурстарда дінтанушы, теолог мамандармен және мешіт имамдарымен 1867 қарсы насихаттық ақпараттар жарияланды.

 Жыл басынан, басқарма мен Дін проблемаларын зерттеу орталығының қызметкерлерінің, қоғамдық және діни бірлестіктер өкілдерінің қатысуымен тұрғындар арасында, соның ішінде жастардың арасында діни  экстремизм мен терроризмнің алдын алу, дәстүрлі емес діни ағымдарың белгілері мен зияны, тыйым салынған діни ұйымдар туралы қысқа метражды (1 минуттық) 12 бейнероликтер әзірленіп, инстаграм, фэйсбук, вконтакте әлеуметтік желілерінде және ютуб каналында орналастырылды.

-Облыстарыңыздағы АТТ жұмыстары өз жемісін береді деп үміттенеміз. Жұмыстарыңызға сәттілік тіледік. Сұхбаттасқаныңызға рақмет!

-Е.А. –Сізге де рақмет!

Жамбыл облысы әкімдігінің

«Дін проблемаларын зерттеу орталығы»

КММ-сінің діни экстремизмге қарсы

насихат бөлімі

Share this...
Share on Facebook
Facebook
0Share on VK
VK
Tweet about this on Twitter
Twitter

Облыстық жаңалықтары

'; echo ''.$date.'
'; echo ''.$title.'

'; echo '
'; } ?>

Egov